روحانی پرواز حاصل کرنے کا مراقبہ

Agr ap apni zindagi badlna chahty hain to ye video b shuru sy akhir tak zaroor dekhain, ye video topic sy hatt kar hay.

تنہائی میں ایسے کمرے میں بیٹھیں جہاں کوئی آواز اپکی 
توجہ میں خلل نہ پیدا کرے۔ ایسے بیٹھیں کہ اپکی کمر اور گردن سیدھی ہو۔اب تمام ماضی اور مستقبل کے خیال سے آزاد ہو کر اپنی تمام تر توجہ اپنے اپنے اندر کر دیں۔ سانس بلکل ایسے آزاد چھوڑ دیں جیسے نیند کے دوران آپ اپنی سانس کو اپنے حال پر چھوڑ دیتے ہیں۔ اب اپنی تمام تر توجہ اپنے باطن کی طرف کر کے ہر خیال سے آزاد ہو  جائیں اور اپنے اندر جھانکیں۔اسی طرح خیالوں سے آزادی کی کیفیت میں اپنی توجہ اپنے اندر رکھیں۔ 30 منٹس روز یہ مراقبہ کریں۔چند دنوں میں آپکو اپنی کیفیت میں لطافت محسوس ہوگی۔ اور اپکے اندر کائناتی انرجی جمع ہونا شروع ہو جائے گی۔ اپکے اندر ایک بہتی رو قید ہونا شروع ہو جائے گی۔ اور باطنی پرواز تو اس قدر بڑھنا شروع ہو جائے گی کہ ایک قدم فرش تو دوسرہ قدم عرش پر ہوگا۔

 تُو رازِ کن فکاں ہے اپنی انکھوں پر عیاں ہوجا

خودی کا راز داں ہو جا خدا کا ترجماں ہو جا

امام علی علیہ السلام نے فرمایا۔

                            من عرف نفسه فقد عرف ربّہترجمہ : جس نے اپنی حقیقت کو پہچانا پس اس نے اپنے رب کو پہچانا۔

کیوں کہ اللّه کی ذات نے انسان میں اپنی صفات رکھی۔ اس طرح انسان اللّه کی ذات کا مظھر بنا۔ اللّه کی ذات کی پہچان کا بس ایک یہی راستہ ہے کہ بس انسان خود کو پہچان لے۔قرآن مجید کی آیات سے ہمیں ایک اور دلیل ملتی ہے کہ انسان کے اندر اللّه نے اپنی روح پھونکی اور جب اپنی روح پھونک دی تو انسان میں اللّه کی صفات منتقل ہو گئی۔

فَاِذَا سَوَّيۡتُهٗ وَنَفَخۡتُ فِيۡهِ مِنۡ رُّوۡحِىۡ فَقَعُوۡا لَهٗ سٰجِدِيۡنَ ‏ترجمہ۔ جب اس کو درست کرلوں اور اس میں اپنی روح  پھونک دوں تو اس کے آگے سجدے میں گر پڑنا

اس آیت سے یہ معلوم ہوا کہ اللّه نے انسان میں اپنی روح پھونکی۔اب اس بات کی دلیل بھی قرآن سے معلوم کرتے ہیں کہ کیا واقعی اپنی روح پھونکنے  سے اللّه نے اپنی صفات بھی انسان میں منتقل فرمائی؟ اللّه کی ذات نے قرآن میں فرمایا۔وَعَلَّمَ آدَمَ الأَسْمَاء كُلَّهَا

ترجمہ۔اور ہم نے آدم کو اپنے تمام نامون کا علم دیا۔

اللّه کے تمام نام اللّه کی صفات ہیں ایک نام ذاتی ہے۔ اس آیت سے معلوم ہوا کہ اللّه نے انسان کو اپنی تمام صفات کا علم دیا۔ اور یہ علم انسان کی روح میں رکھ دیا۔بس جو انسان اپنے اندر جھانک کر اپنے اندر اللّه کی پوشیدہ تجلی تک پہنچ جاتا ہے وہ اپنے اندر اللّه کی  صفاتی قوتوں 
کو حاصل کر لیتا ہے۔